إيمان غالب

الشوق ليك فاض و العمر غادي

تمنيتك تكون راجلي و بات ولادي

بغيتك بجنون و نسيت معاك الماضي

ملي كنت نشوفك نيران الحب كتشعل فؤادي

حسبتك الونيس الحبيب و ماضنيتك غادي

قلت دابا يولي راه حوال الدنيا هادي

بيك نظمت شعرت و فرحت بانشادي

علاش مشيتي و خليتيني باسمك فمنامي نادي

عافاك رجع لي راه الغيبة قتلات كبادي

معاك عرفت معنى الحب و الغرام السادي

فقت من سباتي و عرفت بلي. بغيت جلادي

كلامو القاسي فقلبي حامل كيف حملة حجار الوادي

حاولت ننسى سهام شرك لكن هادشي فاق مرادي

طعنتيني طعنة العمر وزدتيها بالهجر الهادي

ياك كنت الحبيبة اللي معاها بغيتي تفرح بالأعيادي

ما ضنيتك سيف فوق الرقبة و عمري درت بحساب هادي

كون جات عليا نمحيك من خيالي و نقدر گاع نخوي بلادي

باش ننسى كل ما داز معاك يا الظالم العادي

دعيت ربي يجمعمي بيك كيف كتجمع السينية الكيسان و البرادي

يالحق هو مصرف فحكمتو هناني من مريض ماينفع فيه دوا و لا قاضي.